Kami, sa tahaw kan modernong kinaban, yaon sa sadit na Parokya ni San Vicente Ferrer, kadaklan katoliko asin paraoma na kulang sa facilidades, sobra an katikapuhan asin kadukhaan, kulang sa pagkasabot, maluya sa pagtubod, asin biktima nin inhustisya, nagmamawot nin simbahan sosog sa ladawan kan Santisima Trinidad, sarong komunidad na boronyog ki Kristo, may aktibong participasyon asin responsableng pangataman kan kayamanan na gikan sa Dios, asin burabod nin kaligtasan kan kagabsan.

Sa tabang asin pag-ampon ni Santa Maria asin ni San Vicente, samong patron, kami minadusay kan samong sadiri sa:

- pagpapusog nin familia, sadit na simbahan, na may dignidad bilang tao asin Kristiyano.

- dayaday na pag-adal, pagsabuhay asin pagbalangibog kan Marhay na Bareta sa mga sadit na komunidad nin pagtubod.

- Asin pagpapapusog kan Konseho Pastoral.